17 апрел куни Истамбулдан Бишкекка бортида 211 нафар йўловчи бўлган самолёт келиб қўнган. Бу ҳақда Республика оператив штаби маълум қилди.
Таъкидланишича, олиб келинган фуқороларнинг ҳаммаси “Оқ Кема” меҳмонхонасига обсервацияга жойлаштирилган.
Бундан аввалроқ Жоғорку Кенеш депутатлари ҳукуматга хорижда қолган қирғизистонликларни қайтариб олиб келиш учун зудлик билан транспорт йўлаклари ва чартер рейслари ташкилаштириш борасида зарур чоралар кўришни топширган эди.
Вазирлар маҳкамасининг маълумотига кўра, жаҳоннинг турли мамлакатларидан Қирғизистонга қайтиш истагини билдирганлар сони 4 371 кишини ташкил қилади.
18 апрел ҳолатига кўра республикада 506 кишининг коронавирусга чалингани қайд қилинди.
